Kwamamaza

Ibintu icyenda biranga umugabo nyawe udahuzagurika

Yanditswe kuya 11-11-2016 saa 20:23' na Umutoni Rosine


Mu buzima bwa muntu, imyitwarire y’abantu itandukana bitewe n’impamvu nyinshi zirimo aho bakuriye, ubuzima banyuzemo, n’imibereho yabo kuva bagera ku Isi, hari indangagaciro zihuriweho ziranga umugabo nyawe uhamye kandi ufite ibitekerezo byubaka.

Buri wese yifuza kuba iruhande rw’umuntu wamugirira akamaro, amufasha ndetse akamugira inama mu buryo butandukanye. Ni nayo mpamvu guhitamo inshuti bigomba gukoranwa ubushishozi n’ubusesenguzi mbere yo gufata umwanzuro ntakuka.

Twifashishije urubuga Elcrema twakusanyije ibintu icyenda biri mu ndangagaciro z’umugabo uhamye, wabera abandi icyitegererezo.

1. Umugabo nyawe yemera icyo azakora

Umugabo nyawe aba azi akamaro k’isezerano, niyo mpamvu akora uko ashoboye kose agasohoza icyo yiyemeje.

2. Umugabo nyawe aba azi agaciro ke

Ntabwo waba utazi agaciro kawe ngo witwe umugabo nyawe. Iyo wiyizi bituma umenya icyo ugomba gukora muri sosiyete waba ukikorera cyangwa ugikorera abandi ukamenya n’igihe ugomba kugikorera n’uburyo ubyitwaramo.

3. Umugabo nyawe ntabwo acogozwa n’ibibazo by’incamugongo

Umugabo nyawe ni wawundi udahunga ibibazo iyo byaje, ahubwo ashaka uburyo yahangana nabyo akabikemura.

4. Umugabo nyawe yita ku buzima bwe

Umugabo nyawe afata neza ubuzima bwe akabubungabunga , ntabwo akenera ubimubwiriza , azi ko ubuzima bwiza buri mu bimugira uwo ariwe.

5. Ni umuntu udacika intege

Gutsindwa ntibimuca intege ahubwo ni inzira imugeza ku ntsinzi, iyo atsinzwe arakomeza agahatana, akagerageza kugeza ageze ku cyo yifuzaga kugeraho, icyo nicyo kigaragaza ko ari umugabo nyawe.

6. Ntabwo aberaho kunenga abandi

Umuntu ukora amakosa agahora ayagereka ku bandi burya ntabwo aba ari umugabo nyawe. Ikigaragaza ko ari umugabo nyawe ni uko yemera amakosa yabaye kandi akayigiraho.

7. Ntabwo akunda gushimwa

Ntabwo umugabo nyawe akunda gushimwa ngo abe yakora ikintu kibangamye kugira ngo ashimwe n’itsinda runaka. Akora ikintu azi neza ko aricyo gikwiriye kandi akaba yakwirengera ingaruka zacyo igihe bibayeho.

8. Ntiyisuzuguza

Ntabwo umugabo nyawe yemera gusugurwa, aba azi neza uburenganzira bwe, akabuharanira, akamenya ibyo yemerewe n’ibyo atemerewe n’uburyo yabigeraho atanduranyije.

9. Umugabo nyawe agira imitekerereze yagutse

Ikizakubwira umugabo nyawe, ni uko uzasanga azi kureba kure, afite imitekerereze yagutse kandi azi gutanga inama. Abona ikintu hakiri kare agatangira kukigana ubushishozi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved