Kwamamaza

Tigo yungutse abayobozi bashya mu mashami y’ikoranabuhanga n’imicungire y’abakozi

Yanditswe kuya 21-09-2016 saa 11:58' na Marie Ange Mukaneza


Sosiyete y’itumanaho, Tigo Rwanda, yatangaje ko yashyizeho abayobozi babiri bashya barimo uhagarariye agashami k’ikoranabuhanga n’ushinzwe imicungire y’abakozi.

Abayobozi bashya bashyizweho ni Fabrice Ndatira wahawe kuyobora agashami k’ikoranabuhanga (Chief Technology Officer) asimbuye Amir Abdelazim naho Laetitia Uwera ashingwaa kuyobora agashami gashinzwe imicungire y’abakozi (Chief Human Resources Officer) asimbuye kuri uyu mwanya Elizabeth Mwangi.

Ndatira wakoraga mu bijyanye n’ikoranabuhanga, yavuze ko yishimiye amahirwe ahawe ndetse ko abifata nk’ikimenyetso cy’icyizere gikomeye yagiriwe n’ikipe ishoboye.

Ndatira watangiranye na Tigo mu 2009, afite impamyabumenyi y’icyiciro cya mbere cya kaminuza mu ikoranabuhanga n’itumanaho (Electronics and Telecommunication) yakuye muri Kaminuza y’u Rwanda.

Uwera yabaye umukozi wa gatandatu Tigo Rwanda yagize ubwo yatangiraga gukorera mu Rwanda. Afite impamyabumenyi ya kaminuza mu bijyanye no kwakira abantu n’imicungire y’abakozi yakuye muri Kaminuza ya Edinburgh Napier yo muri Écosse.

Uwera yavuze ko yishimiye kugaruka gukorera mu Rwanda dore ko yari amaze igihe akorera muri sosiyete mpuzamahanga y’itumanaho ya Millicom, ifatwa nk’umubyeyi wa Tigo, bityo ngo yiteguye kuzana impinduka muri iki kigo abinyujije mu micungire myiza y’abakozi kuko ari bo nkingi ya byose.

Umuyobozi Mukuru wa Tigo Rwanda, Philip Amoateng yavuze ko Uwera na Ndatira bazi iki kigo ndetse ko bari mu mwanya mwiza wo ku kigeza ku rundi rwego.

Ati” By’umwihariko dutewe ishema n’uko bose ari abanyarwanda bakiri bato kandi bazamuwe mu ntera binyuze muri twebwe. Iki n’ikimenyetso ko Tigo Rwanda idaha agaciro gusa kuzamura ubushobozi bw’abanyarwanda ahubwo ko no kwigirira icyizere bizamo.”

Ndatira na Uwera bazatangira imirimo yabo mishya ku itariki ya 1 Ukwakira 2016.

Ndatira Fabrice wahawe kuyobora agashami k'itumanaho muri Tigo Rwanda
Uwera Laetitia we azajya ayobora agashami k'imicungire y'abakozi muri Tigo Rwanda

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved