Morano wafatwaga nk’umuntu ukuze ku isi yapfuye afite imyaka 117

Yanditswe na Mukaneza M.Ange
Kuya 16 Mata 2017 saa 09:10
Yasuwe :
0 0

Umutaliyanikazi, Emma Morano wari waraciye agahigo ko kuba ari we muntu wa mbere ukuze cyane ku isi, yapfuye afite imyaka 117.

Morano wavutse tariki 29 Ugushyingo 1899, mu gace ka Piedmont mu Butaliyani, niwe wari usigaye mu bantu byemezwa ko bavutse mu myaka 1800.

Uyu mukecuru wahamyaga ko kuramba kwe abikesha kurya amagi atatu ku munsi arimo abiri mabisi, yari imfura mu muryango w’abana umunani bose bapfuye mbere ye; yaguye iwe mu rugo mu mujyi wa Verbania uri mu majyaruguru y’u Butaliyani.

BBC dukesha iyi nkuru ivuga ko Morano atariye ibinyejana bitatu gusa, ahubwo yanabaye mu ngoma 90 z’u Butaliyani, abona intambara ebyiri z’isi, ndetse abasha no kwihanganira kugira umugabo wamuhohoteraga, no gupfusha umwana umwe yari yarabyaye.

Nyuma yo gutandukana n’umugabo we mu 1938, Morano yafashe umwanzuro wo kutongera gushaka. Apfuye yari amaze imyaka igera kuri 20 adasohoka iwe mu rugo.

Nyuma y’urupfu rwa Morano, ikigo gikora ubushakashatsi ku bantu babayeho igihe kirekire, Gerontology Research Group cyahise gitangaza ko Violet Brown ukomoka muri Jamaica, wavutse tariki ya 10 Werurwe 1900 ari we muntu ukiriho ufite imyaka myinshi.

Morano n'ifoto imugaragaza ubwo yari akiri muto
Emma Morano apfuye afite imyaka 117

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244