William, izina ry’umuntu ugira ibakwe

Yanditswe na IGIHE
Kuya 29 Werurwe 2018 saa 07:37
Yasuwe :
1 0

William ni izina rihabwa umwana w’umuhungu, rifite inkomoko mu Kidage ku izina Willehelm,rikaba risobanura umurinzi wabigize intego cyangwa w’umunyambaraga.

Ni izina ryandikwa mu buryo butandukanye, bamwe bandika Guillaume, Guillermo, Liam, Wilhelm, Will, Willem,Willie, Willy, Wöllem, Wullem na Wum.

Bimwe mu biranga ba William

William ni umuntu ugira ibakwe, uhora afite ibintu ahugiyemo kandi wanga kwicara ntacyo arimo gukora.

Akunda ko ibintu byose arimo biba biri ku murongo ndetse aba yifuza ko ibyo ashaka aribyo n’abandi bakora, ibyo bituma agirana amakimbirane n’abantu kuko akenshi siko bigenda.

Ni umuntu wanga amagambo ; ntiyihanganira abica ibintu nkana cyangwa bitwaza ibyo ari byo byose.

Ni umuntu ukundwa, usanga agira inshuti nyinshi n’iyo we yaba atazikunda. Akora ibintu mu buryo bwihariye ku buryo ari cyo abantu baba bamuziho.

Iyo yagukunze,William ntiwapfa kumucika kuko arihambira kandi agakora ibishoboka byose ngo umwibonemo. Aba ashaka umugore uganira, utekereza akareba kure ku buryo na we yamuvuguruza.

Usanga ba William batinda gushaka kuko si kenshi ahita abona umukobwa ufite icyarimwe ibintu amwifuzaho.Ni umuntu uba utandukanye n’uburyo agaragara inyuma, ushobora kubona asa n’umutesi nyamara akarishye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza