Singanire, izina risobanura umuntu udasubira inyuma

Yanditswe na Philbert Girinema
Kuya 7 Ugushyingo 2016 saa 06:56
Yasuwe :
0 0

Singanire ni izina rya Kinyarwanda rihabwa umuntu. Umubyeyi aryita umwana we amwifuriza kudacika intege cyangwa se kudasubira inyuma.

Ibisobanuro byimbitse

Iri zina rituruka ku nshinga kuganira bivuga gusubira inyuma ubitewe akenshi n’ubwoba cyangwa gushidikanya.

Iyi nshinga rero iri kumwe n’impakana Si yo muri ngenga ya mbere yerekeye nyakuvuga.

Iyo umuntu yitwa Singanire aba yiyifuriza ubugabo, ubutwari, kudasubira aho rukomeye.

Iyi mvugo iboneka mu byivugo aho uwivuga ashobora kugira ati ‘Ndi intwari singanira ku rugamba.’

Umwanzuro

Iri zina abagabo bakunze kuryiyitirira mu cyivugo biyifuriza kudatsimbuka ku rugamba. Ababyeyi nabo baryita umwana babifuriza ibyo , muri rusange Singanire bivuga Mudatsimburwa.

Ibi bisobanuro byatanzwe n’Inteko Nyarwanda y’Ururimi n’Umuco (RALC)


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza