Ryan, izina ry’umuntu utihanganira amafuti

Yanditswe na Ishimwe Israel
Kuya 29 Ukwakira 2016 saa 08:06
43 29

Ryan ni izina rihabwa umwana w’umuhungu, rikomoka mu rurimi rw’Igiperise rikaba risobanura umunyabwenge. Mu bindi bihugu nk’u Bwongereza, baryita umwana bashaka kumusanisha n’umwami muto.

Bimwe mu biranga ba Ryan

Ryan ni umuntu w’umunyembaraga kandi witanga, akunda kuba mu byicaro by’imbere aho aba yifuza kuba intangarugero abandi bakamureberaho.

Ni umuntu ugira ikinyabupfura n’umurongo ngenderwaho ku rwego rwo hejuru ariko nawe ntiyihanganira umuntu ugaragaza ikinyabupfura gike.

Ryan ategekesha igitugu kandi ntiyihangana, akunda kwivanga mu bibazo by’abandi ariko we aba yumva ko ibyo akora ari mu kuri nta kibazo kibirimo.

Yita ku nshingo aba yahawe akazikora neza kandi yirengera ingaruka z’ibyo yiyemeje gukora igihe zibayeho.

Ni umuntu wita ku muryango we kandi ibibazo byawo abishyira imbere ndetse akabihangayikira.

Iyo akiri umwana akunze kugira amashagaga ku buryo ababyeyi be baba bagomba kumwigisha koroherana n’abandi.

Akunda kubahwa no gushimirwa , ni umuntu uba ari umuhanga ku buryo utapfa kubimenya ugereranyije n’uburyo agaragara inyuma.

Nubwo Ryan agaragara nk’umuntu utisukirwa mu kumureba igihagararo, usanga ari umunyamahoro bitandukanye n’uburyo agaragara.

Akunda kwiyitaho cyane, umubiri we awugirira isuku, arawubungabunga mu bwiza ndetse akabijyanisha no kwita ku isuku y’ahantu atuye.

Mu itsinda aherereyemo, akunze kuba ari umuyobozi kandi koko abantu bamubonamo icyizere.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE