Rwasamirera, izina rihamya ubutwari ku rugamba

Yanditswe na Ishimwe Israel
Kuya 31 Ukwakira 2016 saa 07:42
Yasuwe : XX
0

Rwasamirera ni izina ry’inyunge rigizwe n’inshinga kwasa n’icyuzuzo imirera. Rivuga umuntu w’umunyembaraga ndetse n’intwari ku rugamba.

Ibisobanuro byimbitse

Kwasa ni inshinga ivuga ibintu bitandukanye ariko byose bishingiye ku gusatura, kuvutura, guhamya n’ibindi.

Umurera ni agati gafite amahwa, indabo z’umuhondo kandi ziremye uducuki (zicucitse), ako gati bagakoragamo ingabo (ikingira igituza). Umurera bamwe bawita umurerabana cyangwa umukoni.

Bihereye ku izina ry’aka gati babohagamo ingabo, bakayita ingabo y’umurera cyangwa umurera gusa.

Ingabo y’umurera cyangwa y’isuri ni zo bajyanaga ku rugamba. Izi ngabo zibaje mu biti bazikoreshaga mu myitozo gusa.

Umwanzuro

Rwasamirera bivuga umuntu w’umunyembaraga, intwari ku rugamba, igihangange gishwanyaguza ingabo z’imirera. Mu yandi magambo ni Rutsindababisha, yica abanzi benshi ku rugamba.

Ibi bisobanuro byatanzwe n’Inteko Nyarwanda r’Ururimi n’Umuco (RALC)


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE