Kwamamaza

Olga, izina ry’umukobwa ukunda ubuzima butuje

Yanditswe kuya 12-08-2016 saa 08:07' na IGIHE


Olga ni izina rihabwa umwana w’umukobwa , rifite inkomoko mu Kirusiya ku izina Helgi rikaba risobanura ‘utunganye cyangwa uhiriwe.’

Bimwe mu biranga ba Olga

Olga ni umuntu ukunda ubuzima bworoshye,yanga ibintu bimunanziza kandi yanga n’uwari we wese wananiza inshuti ye cyangwa umukunzi we.

Ni umuntu ukoresha nabi amafaranga, akanayatagaguza mu buzima bwo kuryoshya butamusaba gukora ibintu bivunanye. Yirinda hakiri kare ibyamuhungabanya aho kugira ngo ahangane nabyo.

Olga agaragaza ubukana mu gihe hari ibimugonze kandi ntahisha amarangamutima ye yaba mabi cyangwa meza.

Ni umuntu uhirwa mu bucuruzi dore ko usanga aribyo bintu aba akunze gukora.

Amahirwe abonye, ayakoresha neza ariko rimwe na rimwe azanamo ubutesi nk’umuntu wanga kuvunika.

Olga akunda kugaragara neza mu bandi akambara imikufi, imyenda ihenze n’utundi tuntu twose tw’umurimbo.

Ni umuntu utihangana, uhorana ubwira kandi udapfa kugira imbabazi igihe mwagiranye ibibazo.

Nubwo akunda karabaye ariko, Olga iyo abonye umwanya wo kwicara akiterezaho, aratuza kandi akiyungura ubumenyi.

Akunda ibintu bidasanzwe, iyo abonye akantu gashya cyangwa ikintu kimutunguye usanga yasazwe n’ibyishimo.

Olga iyo agiye guhitamo inshuti, yirebera umunyabirori utagora ubuzima kandi uzashyigikira ibyo akunda byose. Olga azi kwiga abantu uko bitwara n’imico yabo ku buryo usanga aba azi neza uwo bashakanye kurenza ahari uko we yiyizi.

Iyo Olga akiri umwana, akunda kwiyenza, akagundira utuntu, ibyo abonye byose akabyikubira ku buryo no gusangira n’abandi bana atabyemera.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 Nzeri 2016
Copyright © 2009 -2014 - IGIHE Ltd - All Rights Reserved