Nigel, izina ry’umusore ugira ibitekerezo byagutse

Yanditswe na Ndayikunda Josué
Kuya 6 Mutarama 2020 saa 07:47
Yasuwe :
0 0

Nigel ni izina ry’abahungu rikomoka ku ijambo ry’Ikilatini “Nigellus” bisobanurwa ngo umutsinzi cyangwa ibicu. Hari n’abavuga ko rituruka kuri ‘niger’ bivuze umwirabura.

Izina Nigel bivugwa ko ryatangiye gukoreshwa n’Umwami wa Ireland witwaga Níall Noígíallac hagati y’ikinyejana cya kane n’icya gatanu.

Ahagana mu 1822, izina Nigel ryigaruriye imitima y’Abongereza nyuma y’igitabo mbarankuru cyanditswe na Walter Scott acyita ‘The Fortunes of Nigel’.

-  Ni ibiki biranga ba Nigel?

Abantu bitwa ba Nigel uzabasangana amatsiko menshi cyane ku bintu bitandukanye. Baharanira iteka kumenya ukuri kwihishe inyuma y’umwuka utwaye Isi. Bagira ubuhanga n’ubushobozi bwinshi ariko usanga ahanini batabihishurirwa.

Bafite ubushobozi bwo kwagura ibitekerezo ku kintu cyagaragaraga nkaho ari gito. Ibitekerezo byabo babyerekeza ku bintu bigari gusa kuko n’ubundi usanga na bo batekereza byagutse.

Ba Nigel kandi bagira ubuhanga bukomeye mu bijyanye na dipolomasi, ni intyoza mu kubungabunga amahoro no kuyasigasira. Ni umugisha kubagira cyane ko usanga muri kamere yabo batajya bishora mu bintu bihabanye n’ukuri.

Bamwe mu bamenyekanye cyane bitwa Nigel harimo umukinnyi w’umupira w’amaguru witwa Nigel de Jong, uyu mugabo w’imyaka 35 avuka mu Buholandi akaba akinira Al-Shahania SC yo muri Qatar; Nigel Martin Evans uhagarariye Ishyaka ry’Aba-Conservative mu Nteko Ishinga Amategeko y’u Bwongereza; Umwongereza wamamaye mu gukina filime, Nigel Allan Havers na Nigel Graham Pearson utoza ikipe ya Watford ikina Premier League.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza