Mukezangango, izina ry’umuntu wisunga abamurusha ubushobozi

Yanditswe na Ishimwe Israel
Kuya 18 Ukwakira 2016 saa 07:52
Yasuwe :
0 0

Mukezangango ni izina ry’inyunge, rihabwa abagabo. Rigizwe n’ibice bibiri, igice cya mbere gikubiyemo inshinga gukeza, icya kabiri ni icyuzuzo kigizwe n’izina ingango.

Ibisobanuro byimbitse

Gukeza: Ni ugushaka ubucuti ku muntu ukurusha ubutunzi, amaboko, icyubahiro n’ibindi, mu mvugo yo hambere wavuga ko ari ugushaka ubuhake.

Ingango : Ni akantu kabaje bashingagaho umuheto cyangwa aho bawubika.

Noneho mu buryo bwo kuzimiza ikintu ukacyitirira aho kiri, ingango muri iri zina bivuga umuheto, ukitirirwa uwutunze , aribyo bisobanura uwitwaje umuheto.

Izina Ngango ni kimwe na Ntwari kuko bivuga intwari yitwaje umuheto.

Habayeho mu bitaramo umuntu witwaga Ngango y’imiheto bivuga ko yari intwari mu kurashisha umuheto.

Umwanzuro

Mukezangango bivuga ukeza cyangwa uwiyambaza umuntu wese umurusha amaboko.

Ibi bisobanuro byatanzwe n’Inteko Nyarwanda y’Ururimi n’Umuco (RALC).


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244