Médard, izina ry’umuntu uhorana akanyamuneza

Yanditswe na Ishimwe Israel
Kuya 17 Ukwakira 2016 saa 07:47
Yasuwe : XX
0

Médard ni izina rihabwa umwana w’umuhungu, rifite inkomoko mu Kidage ku izina Medardus no ku Kilatini Medardo, rikaba risobanura ‘Umuntu w’intwari.’

Bimwe mu biranga ba Médard

Médard ni umuntu uzi gukunda, iyo yagukunze arihambira, ntapfa kukureka kandi akora uko ashoboye akabigaragaza mu mpano aguha n’umwanya akugenera.

Ni umuntu utajya wijima mu maso, ahorana akanyamuneza, no mu bihe bigoye agumana inseko ye.

Agira umutima woroshye, ibyo bigatuma yitwararika ngo nawe adakomeretsa abandi, kandi bimutera guca ibintu ku ruhande ntavuge ukuri kose yirinda ko hari uwo yakomeretsa.

Médard azi kuvuga neza yoroheje bigatuma atagirana ibibazo n’abantu.

Akunda kubona abantu bari kumwe nawe bishimye, akabasetsa. Kubaho adafitanye ikibazo n’umuntu uwo ariwe wese biramunyura akumva yishimye.

Iyo bibaye ngombwa Médard agira ubukana kandi agafata imyanzuro ku buryo atazisubiraho.

Iyo agize umuryango awitaho akawumenyera ikintu cyose kuko abifata nk’inshingano ze.

Mu kazi Médard aritanga, agakorana umwete kuko aba yahisemo gukora ibintu abikunze aho gukora ibyo abonanye abandi cyangwa abihatiwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE