Isimbi, ni izina rya gikobwa ritaka ubwiza bw’umwana

Yanditswe na Ishimwe Israel
Kuya 28 Ukwakira 2016 saa 07:54
Yasuwe : XX
130 70

Isimbi ni izina rya gikobwa ritaka ubwiza bw’umwana bifuriza kuzaba mwiza nk’isimbi.Mu Kinyarwanda ‘isimbi’ ni agakonoshwa k’umweru gaturuka ku kanyamujonjorerwa ko mu nyanja.

Ibisobanuro byimbitse

Utwo dukonoshwa badutoragura ku mwaro (ku nkengero) w’inyanja, bakadukoramo imitako. Abana bayambaraga ku bisage (inyogosho) naho abagore bo bakayambara ku mweko.

Ku izina Isimbi ni ho hakomotse inyito y’urubura ruto rugwa nk’ifu cyangwa rukaboneka ku misozi ihanamye miremire cyane kuko narwo ruba ari umweru nk’utwo dukonoshwa.

Aho niho abanyarwanda bahereye mu kwita ikirunga cya Karisimbi iryo zina, bitewe n’urubura rugaragara ku gasongero kacyo.

Ni nk’uko mu gushaka kuvuga umugabane w’u Burayi, ukunze kurangwamo urubura rwinshi bazimiza, bakawita i Bwotamasimbi.

Umwanzuro

Mu magambo make, Isimbi bivuga umukobwa mwiza.

Ibi bisobanuro byatanzwe n’Inteko Nyarwanda y’Ururimi n’Umuco (RALC)


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE