Igor izina ry’umuntu utamenya ubucakura

Yanditswe na IGIHE
Kuya 9 Kanama 2017 saa 07:45
Yasuwe :
0 0

Igor ni izina rihabwa umwana w’umuhungu, rifite inkomoko mu Kirusiya ku izina Ingvar cyangwa se Yngvar risobanura intwari (hero) cyangwa se urinzwe.

Bitewe n’igihugu bamwe bandika Ihor, Ihar,Ingvar,Yngvar n’ukundi gutandukanye.

Bimwe mu biranga ba Igor

Igor akunze kuba ari umuntu ucisha make, uvugisha ukuri utamenya ubucakura kandi udakunda gusahinda.

Ni umuntu ugira amarangamutima menshi kandi wishimira kuba hamwe n’abantu batuje nkawe.

Ajya ahura no kubangamirwa no guhora ababaye kuko aba atabasha kugaragaza ibyamubabaje cyangwa se ngo nawe yirwaneho igihe hari abamusagariye.

Yishimira gutsura umubano no kugira inshuti nyinshi kuko aba aribwo yizeye ko ibyamubangamira byaba ari bikeya.

Ni umuntu uziko ibyo umuntu ageraho aba yabikoreye kandi byamuvunnye aho kuba umugisha cyangwa amahirwe agwirira abantu.

Ni umuntu ugenzura, akamenya gukusanya ifaranga no kuribyaza irindi buhoro buhoro uko ashoboye atarebeye ku bandi

Igor ntiyigiramo gucika intenge bigatuma agenda azamuka buhobuhoro.

Ni umuntu wikundira umutuzo aho arihose haba mu kazi cyangwa mu rugo aho atuye.

Akunze gukora ibintu by’ubugeni kuko abibonera umwanya uhagije nta kiba kimwirukankana, abyicaraho akabitunganya mu bwitonzi asanganywe.

Igor azi gukunda no kubyitwaramo neza,umutuzo we n’uburyo agaragaramo inyuma utuma yumvwa vuba kandi akabona icyo yashakaga kuko agirirwa icyizere.

Iyo akiri umwana ,aba yitinya akaba yahitamo gukinira mu buriri bwe aho kugira ngo ajye gukurikira abandi bana ngo bakine basabane.

Ahora ari umwana ukeneye kwitabwaho no gukurikiranwa kugira ngo byibura bamutinyure, abashe kuganira no gusabana n’abandi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza