Hilary, izina ry’umukobwa ukunda ubuyobozi

Yanditswe na Ndayikunda Josué
Kuya 17 Ugushyingo 2019 saa 07:32
Yasuwe :
0 0

Hilary ni izina rikomoka ku ijambo ry’Ikilatini ‘hilarius’ risobanura ibyishimo. Ni izina ryamamaye cyane hagati y’umwaka 1940-1949 muri Leta Zunze Ubumwe za Amerika.

Uretse muri Amerika, iri zina urisangana abatari bake mu bihugu bivuga ururimi rw’Icyongereza. Mbere wasangaga hari abahungu bitwa Hilary ariko ubu iri zina rikunze guhabwa abana b’abakobwa.

-  Ibiranga ba Hilary

Ba Hilary ni abantu bakunda gutangiza imishinga minini kandi bagaharanira kugera ku ntego biyemeje uko byagenda kose. Mu mibereho yabo bakunda ubuyobozi ku buryo badakozwa ibyo kuyoborwa n’abandi cyangwa gukurikira ibyo abandi babategeka.

Bagira umurava ku buryo rimwe na rimwe bagaragara nk’abanyagitsure bitewe nuko baba bashaka ko ibyo bifuza bikorwa byanze bikunze. Bagira amategeko muri bo, kwihangana kwabo si kwinshi, bigatuma hari ababona ko ari abirasi.

Bakunda kubaho babohotse ntawubatera hejuru, ibi bikaba binafite aho bihuriye no gukunda kuyobora kuko bibaha ako gahenge ko kuba batabwirizwa icyo gukora.

Ba Hilary bagira guhangana muri bo, ni intyoza mu gutangiza imishinga kandi myiza bitewe n’ibitekerezo by’inyamibwa bagira. Gusa hari igihe usanga nubwo baharanira ko bagera ku byo biyemeje imbaraga zo kubikora zicika iyo bageze hagati.

Bazi gufata imyanzuro n’ibyemezo bikakaye nta bwoba, bakamenya guhangana n’ibigaragara nkaho ari urukuta.

Hari ibihangange byinshi bifite izina Hilary; urugero ni Hilary Clinton, umugore w’uwigeze kuba perezida wa Leta Zunze Ubumwe za Amerika, Bill Clinton; umukinnyi wa filimi, Hilary Swanka n’umuririmbyi Hilary Erhard Duff.

Ba Hilary ni abantu bakunda gutangiza imishinga minini kandi bagaharanira kugera ku ntego biyemeje

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza