Gedeon, izina ry’umuhungu udakunda gutwarwa n’amategeko

Yanditswe na Ndayikunda Josué
Kuya 27 Ugushyingo 2019 saa 08:13
Yasuwe :
0 0

Gedeon ni izina ry’abahungu rikomoka ku ijambo riri mu Rurimi rw’Igiheburayo “Gid’on’’ ariko rikaba rifite ibisobanuro birenze kimwe. Uretse kuba risobanura umuntu wasa ibiti cyangwa ucukura amabuye y’agaciro, rinasobanura umurwanyi ukomeye.

Gedeon ni izina ryakunze kugaragara cyane muri Bibiliya, aho Gedeon agaragazwa nk’umucamanza ukomeye. Gedeon yamamaye cyane mu Baheburayo gusa no mu kinyejana cya 16 Abaporotesitanti bo mu Bwongereza na bo bakunze kuryita abana babo.

-  Ibiranga ba Gedeon

Ni abantu uzasanga barangwa no kutagira ubwoba ndetse barwana intambara y’inkundura igamije kugera ku byiza. Iyi myitwarire ituma banga urunuka akarengane cyane ko bakunda no kugirira igishyika bagenzi babo.

Bagira urukundo rwinshi kandi bahora baharanira gusiga isi ari nziza kurusha uko bayisanze. Ba Gedeon barahindagurika, bakunda kwinezeza, ikindi ni uko bagira ukwizera kwinshi.

Ba Gedeon ntibakunda gutwarwa n’amategeko cyangwa amahame runaka, ni abanyembaraga, abanyabwenge kandi biraborohera cyane kugirana ubucuti n’abandi. Bakunda kuba bari ahantu hatuje bagerageza gusesengura no kumva neza ibintu bitandukanye kugira ngo bamenye ukuri.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza