Emilienne, izina ry’umukobwa uzi gukotana

Yanditswe na Ndayikunda Josué
Kuya 28 Ugushyingo 2019 saa 07:00
Yasuwe :
0 0

Emilienne ni izina rihabwa abana b’abakobwa rifite inkomoko ku ijambo ry’Ikilatini “Emŭlus” bivuga kwigana.

Izina Emilienne rikunze guhabwa abantu biganjemo abo mu bihugu birimo Espagne, u Bufaransa, u Busuwisi n’u Bubiligi.

-  Ibiranga ba Emilienne

Ba Emilienne usanga bakunda guhindagurwa n’ibihe gusa bagira impano ikomeye yo gukemura ibibazo ibyo aribyo byose bahuye nabyo neza kandi vuba. Ni abantu bakunda gusabana cyane kandi bakizihirwa no kubana n’inshuti zabo.

Aba bakobwa bashimishwa no gukundwa kandi bakabyerekwa binyuze mu guhabwa impano kandi zibatunguye. By’umwihariko, ba Emilienne bakunda umuryango wabo cyane, bishimira kumva abandi no kubigiraho.

Ba Emilienne barigengesera cyane uko bagaragara inyuma, ibi bituma iyo bagiye guhitamo umwambaro bambara babanza kwitonda cyane. Atitaye ku buzima arimo bwaba bwiza cyangwa bugoranye, Emilienne aba ahora yifuza gutembera no kubona ibindi bintu bishya mu buzima.

Aba bakobwa bakunda kureba ibigaragara inyuma cyane, ntibakunda gukora ibintu bituma babimaraho igihe kirekire kuko bakunda kureba ibindi bintu bishya. Ni abanyempuhwe nyinshi.

Ba Emilienne na bo bakunda ukuri n’ubutabera muri byose, bakunda ubwisanzure mu buzima bwabo, bakabangamirwa no kubohwa n’amategeko runaka kuko bibabuza umudendezo wabo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza