Kwamamaza

Charlene, izina ry’abakobwa bazi gutanga urukundo

Yanditswe kuya 17-11-2016 saa 10:37' na IGIHE


Charlene ni izina rihabwa umwana w’umukobwa, iyo ari umuhungu bamwita Charles. Aya mazina yombi ahurira ku ijambo ‘Karl’, ryo mu Kidage risobanura ‘umugabo wigenga’ cyangwa se ‘umuntu witwara kigabo’, hari naho risobanura umunyembaraga.

Bitewe n’igihugu iri zina ryandikwa mu buryo butandukanye harimo nka Charlayne, Cherlene, Cherline, Sharlayne, Sharleen, Sharlene, Charlie, Charleen n’ayandi.

Bimwe mu biranga ba Charlene

Ni umuntu w’umunyakuri, ugira umutima mwiza kandi uzi gutanga urukundo no kwita ku bababaye.

Charlene ni umuntu uzi gusabana ,ukunda abantu bose atarobanura kandi w’umugiraneza.

Ni umuntu wishimirwa kubera kugaragaza ibikorwa bifatika , niyo hari umuntu umwanga mu ibanga, usanga ibikorwa bye bikomeza kumwemeza.

Ni umuntu ushaka igisubizo kuri buri kibazo kandi akakibona, aba azi ikintu yakora cyangwa yavuga akigarurira imitima ya benshi.

Akunda imikino n’ibindi byose bimuhuza n’abantu akishima cyangwa akidagadura.

Azi kwiyitaho agahora acyeye niyo yaba ari mu mirimo y’ingufu ahorana umucyo.

Mu rukundo Charlene ararugaragaza, agashyiramo amarangamutima ye yose kandi ntajya apfa kubivamo kuko iyo yakunze aba yakunze ariko niyo abivuyemo ntabisubiramo.

Iyo akiri umwana Charlene aba azi ubwenge ariko ababyeyi be baba bagomba kumuba hafi kugira ngo adata umurongo kuko aba akubagana cyane.

Charlene akunda kumenya kubyina, gushushanya ndetse no kuvuga indimi zitandukanye.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved